Një aksident i rëndë trafiku ka ndodhur në mëngjesin e së hënës në hyrje të Prishtinës.
Një veturë ka rënë nga rethrrotullimi në Lakrishte, që lidh Prishtinën me Fushë-Kosovën, Mitrovicën dhe Ferizajn.
Sot janë pulikuar pamje të reja nga vendi ku ka ndodh aksidenti si pasojë e të cilit kanë mbetur të lënduar tre persona.
@diellor_11#prishtina♬ original sound – diellori_11
Ndryshe, në Qendrën Klinike Universitare të Kosovës po vazhdon trajtimi i tre personave që u lënduan në aksidentin në Lakrishte të Prishtinës, ku vetura ka rënë nga rrethrotullimi.
Drejtori i Klinikës Emergjente në Qendrën Klinike Universitare të Kosovës, Naser Syla, tha se njëri nga të lënduarit është në gjendje më të rëndë.
“20 vjeçari është trajtuar në Emergjencë, gjendja e tij është më e rëndë. Mjekët i kanë kryer të gjitha intervenimet e duhura, tash mbikëqyrja i tij do të vazhdojë në Intenzivë”, tha Syla për Gazetën Sinjali.
Ndryshe, tre persona kanë pësuar lëndime trupore si pasojë e një aksident trafiku në Prishtinë, ku vetura ka rënë nga rrethrotullimi në lagjen Lakrishte.
