Pas raportimeve të shumta për stuhinë në Kentucky, ku pas shfaqjes së mbi 20 tornado humbën jetën afro 100 persona, ka ndodhur edhe një mrekulli.
https://youtu.be/ELgJZjGpraM
Erërat gjatë shfaqjes së tornadove frynin me mbi 300 kilometra në orë, duke shkulur nga një shtëpi vaskën në tualet, brenda të cilës ishin dy fëmijë.
Familja raportoi zhdukjen e fëmijëve në rajonin ku blloqe të tëra janë bërë shkatërruar nga tornadot e fuqishme, që shkatërruan gjithçka që u dilte përpara.
Në terren kanë dalë shumë ekipe të shpëtimit duke shpresuar se nën rrënoja do të nxjerrin të mbijetuarit, por edhe kufomat e atyre që e pësuan.
Matt Sanderson, sherif për Hopkins County, Kentucky, tha se dy fëmijët ishin të zhdukur dhe u gjetën në një vaskë “jo aty ku ishte shtëpia fillimisht“. “Ata ishin në rregull dhe duket se nuk janë lënduar fare. Ata janë kthyer te nëna e tyre”, tha ai, shkruajnë mediat e huaja.
Pamjet nga terreni shfaqin vetura të dëmtuara, shtëpi të shkatërruara plotësisht, e banorët lokalë janë organizuar për të ndihmuar ekipet e shpëtimit në kërkim të mbijetuarve të mundshëm.
